Þetta bananabrauð er dásamlegt, stökkt að utan og mjúkt að innan. Fyrir þau sem kjósa brauðið glúteinlaust er nóg að fylgja uppskriftinni. Þó er hægt að nota aðrar mjölblöndur ef ekki er nauðsynlegt að hafa það glúteinlaust og þá er hægt að nota hveiti, venjulegt lyftiduft og sleppa xanthan gum. Einnig er í góðu lagi að nota kúamjólk fyrir þau sem kjósa það. Til þess að auka plöntupunkta er hægt að bæta við fræjum og/eða hnetum. Brauð sem er gott sem hversdagsbrauð eða til þess að taka með í ferðalagið.